یانیر شمع کیمی جانیم هران اهسته اهسته
اولور باعیم گولوستانیم خزان اهسته اهسته
یارین داییم فراقیندان ائدیر ناله دل محزون
بوکولموش قدیمه اغلیر کامان اهسته اهسته
وفاسی اولمادی یارین یالان گولدو تالان گولدو
منی حسرتده یاندیردی گومان اهسته اهسته
گئچیر عمروم قارانلیقدا منه مرحم گتیر ساقی
ایچیم روحوم بیراز تاپسین تاوان اهسته اهسته
قطار عمر سرعتله دلیر داع داش لارین باغرین
فقط دیوانه لر سسلیر دایان اهسته اهسته
بواسرار جهان دورکی سونور مظلوملارین شمعی
بئله اسرار ندن اولمور عیان اهسته اهسته
داها بیلمم بوکج بنیان نه ایستیر قملی جانیمدان
منی هی چالخاییر دوران زامان اهسته اهسته
ببوک قملی